सरकारको सय दिनबारे हर्कराज राई टिप्पणी : प्रयास भयो, परिणाम आएन [भिडियो]

काठमाडौँ । श्रम संस्कृति पार्टीका अध्यक्ष हर्कराज राईले सरकार गठन भएको सय दिन बितिसक्दा पनि जनताले प्रत्यक्ष अनुभूति गर्ने गरी उपलब्धिमूलक काम हुन नसकेको टिप्पणी गरेका छन्। सरकार प्रयासरत देखिए पनि त्यसको परिणाम नागरिकले महसुस गर्न नसकेको उनको भनाइ छ।

दार्चुलाको दुर्गम क्षेत्रमा निर्माण गरिएको झोलुङ्गे पुल उद्घाटन गरी शुक्रबार काठमाडौं फर्किएपछि त्रिभुवन अन्तर्राष्ट्रिय विमानस्थलमा सञ्चारकर्मीसँग कुरा गर्दै अध्यक्ष राईले सरकारको कार्यसम्पादन अपेक्षाअनुसार प्रभावकारी हुन नसकेको बताए।