गण्डकी–लुम्बिनी प्रदेश जोड्ने राम्दीमा ‘सिग्नेचर ब्रिज’

स्याङ्जा।

गण्डकी र लुम्बिनी प्रदेशको सङ्गमस्थल (रामनदीधाम) राम्दीस्थित कालीगण्डकी नदीमाथि आधुनिक पक्की पुल ‘सिग्नेचर ब्रिज’को निर्माण कार्य अन्तिम चरणमा पुगेको छ । गण्डकी र लुम्बिनी प्रदेशलाई जोड्ने सिद्धार्थ राजमार्गअन्तर्गत निर्माण भइरहेको उक्त पुलको हालसम्म ९५ प्रतिशत काम सम्पन्न भएको छ । पुल सेक्टर पोखराका आयोजना प्रमुख तथा वरिष्ठ डिभिजनल इन्जिनियर (सिडिई) कृष्णराज अधिकारीका अनुसार पुल निर्माणको अधिकांश संरचनात्मक काम सकिएको छ भने बाँकी फिनिसिङ तथा अन्तिम चरणका काम तीव्र गतिमा भइरहेका छन् । निर्माण सम्पन्न भएसँगै यस क्षेत्रको यातायात, व्यापार तथा आवागमनमा उल्लेखनीय सहजता आउने अपेक्षा गरिएको छ ।