इप्पानको साधारणसभा र अधिवेशनको तयारी पूरा,आज उद्घाटन

स्वतन्त्र ऊर्जा उत्पादकहरुको संस्था नेपाल (इप्पान) ले आफ्नो २४औँ वार्षिक साधारणसभा तथा आठौँ अधिवेशनको सम्पूर्ण तयारी पूरा भएको जनाएको छ। इप्पानका अध्यक्ष गणेश कार्कीले बिहीबार साँझ विज्ञप्ति प्रकाशन गरेर आठौँ अधिवेशनको तयारी पूरा भएको बताएका हुन्।

२०५७ माघ ४ गते ८ सदस्यबाट स्थापना भएको इप्पानमा हाल ६८३ सदस्य आबद्ध रहेका छन्। अधिवेशन भोलि जेठ २९ गते आयोजना हुँदैछ।