कम्पनी रजिष्ट्रार कार्यालयमा उद्योगमन्त्रीको छड्के अनुगमन

काठमाडौं । उद्योग, वाणिज्य तथा आपूर्ति मन्त्री गौरीकुमारी यादवले शुक्रबार त्रिपुरेश्वरस्थित कम्पनी रजिष्ट्रार कार्यालयमा छड्के अनुगमन गरी सेवा प्रवाह, डिजिटल प्रणाली र प्रशासनिक सुधारको अवस्थाबारे जानकारी लिएकी छन् ।

मन्त्रालयका सचिव कृष्णबहादुर राउतसहितको टोली लिएर कार्यालय पुगेकी मन्त्री यादवलाई कम्पनी रजिष्ट्रार कृष्णकुमारी श्रेष्ठले पछिल्लो एक महिनामा कार्यालयमा गरिएका सुधारका कामबारे जानकारी गराइन् ।