१ अर्ब रुपैयाँ बराबरको बजेट संशोधन गर्ने प्रतिबद्धता, साउन मसान्तभित्र त्रुटि सच्याइने

विराटनगर । कोशी प्रदेश सरकारले आगामी आर्थिक वर्ष २०८३/८४ को बजेटमा देखिएका त्रुटि सच्याउन र असन्तुष्ट पक्षका माग सम्बोधन गर्न कुल १ अर्ब रुपैयाँ बराबरको बजेट संशोधन गर्ने प्रतिबद्धता जनाएको छ ।

आर्थिक मामिला तथा योजना मन्त्री विदुरकुमार लिङ्थेपले शुक्रबार प्रदेशसभाको बैठकलाई सम्बोधन गर्दै बजेटमा देखिएका असन्तुलन र कमजोरीलाई स्वीकार गर्दै परिमार्जनको ठोस कार्ययोजना प्रस्तुत गरेका हुन् । उनको यो प्रतिबद्धतासँगै संसदमा विगत १० दिनदेखि देखिएको गतिरोधको अन्त्य भएको छ ।