के भारतमा पेट्रोल संकट सुरु भएको हो ? सात दिनमा दुई पटक बढ्यो भाउ

भारत : भारतमा एक साताभित्र दोस्रो पटक पेट्रोल र डिजेलको मूल्य बढाइएको छ । मंगलबार पेट्रोल–डिजेलको मूल्य प्रतिलिटर करिब ९० पैसा बढाइएको हो । नयाँ दिल्लीमा पेट्रोलको मूल्य अब ९८.६४ रुपैयाँ र डिजेल ९१.५८ रुपैयाँ प्रतिलिटर पुगेको छ ।

यहीबीच चण्डीगढको सेक्टर–१७ स्थित एक पेट्रोल पम्पमा सीमित मात्रामा इन्धन दिने सूचना टाँसिएपछि सर्वसाधारणमा चिन्ता बढेको छ । सूचनामा दुईपाङ्ग्रे सवारीलाई ५०० रुपैयाँसम्म र चारपाङ्ग्रे सवारीलाई १,५०० रुपैयाँसम्म मात्र पेट्रोल उपलब्ध गराइने उल्लेख थियो ।