व्यवहारमै छुवाछुत अन्त्य हुनुपर्ने दलित अगुवाहरूको जोड

सिराहा। सिराहाका दलित अगुवाहरूले व्यवहारमै छुवाछुत जस्तो कुप्रथाको अन्त्य हुनुपर्ने बताएका छन्। दलित विकास मञ्चले गोलबजारमा आयोजना गरेको ‘मधेसी दलित समुदायले भोग्नु परेको समस्याहरू र समाधानका लागि सराेकारबालाको भूमिका’ विषयक अन्तर–संवाद कार्यक्रमका सहभागीहरूले २१ वर्ष अघि मुलुक कानुनीरुपले छुवाछुत मुक्त राष्ट्र घोषणा भएपनि दलितहरूले दैनिक रूपमा त्यसको पीडा सहनु परेको भन्दै अव व्यवहारमै छुवाछुत अन्त्य हुनुपर्ने बताएका हुन्।

कागजमा सीमित कानुन सही कार्यान्वयन गर्नुपर्नेमा उनीहरूको जोड रहेको छ। सरकारले कानुन बनाएपनि पीडितहरू सधैँ आर्थिक, सामाजिक र राजनीतिक दबाब तथा प्रभावका कारण न्यायबाट वञ्चित हुनुपरेको उनीहरूको भनाई छ।