रोबिन सिंह बने लुम्बिनीको मेन्टर

काठमाडौँ — भारतका पूर्व अलराउन्डर रोबिन सिंह नेपाल प्रिमियर लिग (एनपीएल) को फ्रेन्चाइज टोली लुम्बिनी लायन्सको मेन्टरमा नियुक्त भएका छन् । लायन्सले बिहीबार समाजिक सञ्जालमार्फत सिंहलाई आबद्ध गरेको घोषणा गरेको हो ।

सिंहले भारतबाट १ टेस्ट, १ सय ३६ एकदिवसीय अन्तर्राष्ट्रिय खेलेका थिए । त्यसपछि उनी हङकङ, यूएई र अमेरिकाको राष्ट्रिय टोलीका प्रशिक्षक रहे । उनी इन्डियन प्रिमियर लिग (आईपीएल) क्रिकेटमा लामो समय मुम्बई इन्डियन्ससँग आबद्ध थिए, जहाँ उनले ५ पटक आईपीएल उपाधि र एक पटक च्याम्पियन्स लिगको उपाधि जिते ।