विश्वकपबाट लज्जास्पद बहिर्गमनपछि जर्मनीका प्रशिक्षकले दिए राजीनामा

बर्लिन । सन् २०२६ को विश्वकप फुटबलमा पाराग्वेसँग अप्रत्यासित हार ब्यहोर्दै जर्मनी प्रतियोगिताबाट बाहिरिएपछि मुख्य प्रशिक्षक जुलियन नागेल्सम्यानले आफ्नो पदबाट राजीनामा दिएका छन्। जर्मन फुटबल संघले शुक्रबार नागेल्सम्यानको बहिर्गमनको औपचारिक पुष्टि गरेको हो।

३८ वर्षीय नागेल्सम्यानले सन् २०२८ को युरोपियन च्याम्पियनसिपसम्मको सम्झौता बाँकी छँदै तीन वर्षपछि राष्ट्रिय टोलीको जिम्मेवारी छाडेका हुन्। सन् २०२५ को जनवरीमा उनको सम्झौता नवीकरण भएयता डिएफबीसँगको सम्बन्ध केही जटिल बनेको थियो। औपचारिक घोषणा हुनु अघिल्लो दिन मात्रै उनीहरूबीच करिब तीन घण्टा लामो गोप्य छलफल भएको बताइएको छ।