गणेश आधारभूत विद्यालयको जग्गा अतिक्रमण

सुनसरीको इनरुवा नगरपालिका–८ गणेशपुरस्थित श्री गणेश नेपाल राष्ट्रिय आधारभूत विद्यालय को नाममा रहेको १० कठ्ठा जग्गा अतिक्रमण गरी १४ परिवारले घरटहरा बनाएर बसोबास गर्दै आएको तथ्य सार्वजनिक भएको छ ।

विद्यालय प्रशासन र विद्यालय व्यवस्थापन समितिले उक्त जग्गा खाली गराउन इनरुवा नगरपालिका र सम्बन्धित वडा कार्यालयलाई औपचारिक रूपमा पत्राचार गरेका छन् । विद्यालयको स्वामित्वमा रहेको जग्गा वर्षौंदेखि उपयोग गर्न नपाएको भन्दै भूमि प्रशासन कार्यालय इनरुवामार्फत पनि पहल गरिएको छ ।