आरोप प्रमाणित भए मन्त्री मात्रै नभई सार्वजनिक जीवन नै त्याग्ने अर्थमन्त्रीको घोषणा

काठमाडौं । प्रतिनिधिसभा बैठकमा आर्थिक वर्ष २०८३-०८४ को नयाँ बजेटमाथिको छलफल तातेको छ । बिहीबारको बैठकमा सांसदहरुले उठाएको प्रश्नको जवाफ दिँदै अर्थमन्त्री डा. स्वर्णिम वाग्लेले वर्तमान बजेटको वैचारिक धरातल, कर नीति र आफ्नो निष्ठाको बचाउ गरेका छन् ।

उनले यो बजेट कुनै कम्युनिस्ट पार्टीको परम्परागत वितरणमुखी मोडेल नभएर राष्ट्रिय स्वतन्त्र पार्टी (रास्वपा) को समतामूलक आर्थिक नीति र दर्शनमा आधारित रहेको दाबी गरे । मध्यम वर्गलाई ‘बायस’ नहुन आग्रह गर्दै अर्थमन्त्री वाग्लेले बजेटले निम्न वर्गलाई मध्यम वर्गमा उकास्ने स्पष्ट मार्गचित्र बोकेको जिकिर गरे ।