विश्वकप फुटबलको छायाँमा ‘आइ एम जीतबहादुर’

हास्य कलाकार जितु नेपाल (मुन्द्रे) आफ्नो अभिनयमार्फत टेलिभिजन तथा चलचित्र उद्योगमा फरक पहिचान बनाउन सफल भएका छन्। टेलिसिरियलबाट चलचित्र उद्योगमा प्रवेश गरेका नेपाल हाल चलचित्रमा हास्य कलाकारदेखि मुख्य पात्रका रूपमा देखिने गरेका छन्। उनको टेलिसिरियल ‘जिरे खुर्सानी’ मा मुन्द्रेको पात्र दर्शकमाझ यति लोकप्रिय भयो कि आजसम्म पनि दर्शक उनलाई मुन्द्रेकै उपनामले चिन्ने गर्छन्। यो भन्दैमा उनी अन्य पात्रमा नसुहाएका भने पक्कै होइनन्। ‘दर्पण छाया’, ‘छक्का पञ्जा’ र ‘छ माया छपक्कै’ लगायतका चलचित्रमा पनि उनको निकै राम्रो काम देखिएको छ।

हाल उनी चलचित्र निर्माणमा समेत सक्रिय भएका छन्। उनले यसअघि पनि चलचित्रमा लगानी नगरेका होइनन्, तर ‘आइ एम जीतबहादुर’ उनको एकल निर्माण रहेको चलचित्र हो। उनी निर्मित चलचित्र ‘आइ एम जीतबहादुर’ अहिले सिनेमा घरमा प्रदर्शनरत छ। उनीसँग नागरिककर्मी अमृता कुशवाहले गरेको कुराकानीका केही सम्पादित अंशः