रिमाको स्थानमा कमेडी च्याम्पियनमा भित्रिइन् पूर्वमिस नेपाल नम्रता श्रेष्ठ

काठमाडौं । रिमा विश्वकर्मा सांसद बनेपछि कमेडी च्याम्पियनको होस्टका रूपमा पूर्व मिस नेपाल नम्रता श्रेष्ठ भित्रिएकी छन् । अब कमेडी च्याम्पियन सिजन ४ मा रिमाको स्थान नम्रताले लिनेछिन् ।

अघिल्ला तीन सिजन रिमा होस्टको रूपमा रहेकी थिइन् । कमेडी च्याम्पियन स्रोतका अनुसार नम्रतासँग यस सिजनका लागि सम्झौता भएको हो । पहिलेदेखि नै एक-एक सिजनका लागि सम्झौता हुने गरेकाले नम्रतासँग पनि एक सिजनकै लागि सम्झौता भएको हो ।