त्रिशूली-३ ए टनेलभित्र मानिस जीवित रहेको संकेत, उद्धार जारी

काठमाडौँ- रसुवाको भोटेकोशी नदीमा गत बुधबार आएको भीषण बाढीका कारण प्रभावित त्रिशूली-३ ए जलविद्युत् आयोजनाको टनेलभित्र एकभन्दा बढी व्यक्ति जीवित रहेको संकेत प्राप्त भएको छ। टनेलभित्रबाट व्यक्तिहरूको आवाज सुनिएको र उद्धार टोलीसँग प्रतिक्रिया आदानप्रदान भएको बताइएको छ।

तनहुँ क्षेत्र नम्बर २ का प्रतिनिधिसभा सदस्य तथा राष्ट्रिय स्वतन्त्र पार्टी (रास्वपा) का केन्द्रीय ऊर्जा तथा जलस्रोत विभाग प्रमुख श्रीराम न्यौपानेका अनुसार टनेलभित्र उद्धार कार्य अझै जारी छ।