बाढी र पहिरोले मुख्य राजमार्ग अवरुद्ध : काठमाडौँ जोड्ने कुन सडकको अवस्था के छ ?

काठमाडौँ – अविरल वर्षापछि आएको बाढी र पहिरोका कारण देशका धेरै मुख्य राजमार्ग अवरुद्ध भएका छन्। नेपाल प्रहरीले शुक्रबार बिहान सम्म दिएको अध्यावधिक विवरण अनुसार बागमती, कर्णाली र लुम्बिनी प्रदेशका प्रमुख सडक खण्ड प्रभावित बनेका छन्।

पृथ्वी राजमार्गअन्तर्गत धादिङको बेनिघाट रोराङ-७ स्थित कृष्णभिरमा पहिरो खसेपछि सडक पूर्ण रूपमा अवरुद्ध भएको छ। सोही राजमार्गको परेवा भिरमा साना गाडी एक लेनमा र कमेरेभिरमा एकतर्फी मात्रै सञ्चालन भइरहेका छन्। यता काठमाडौँ-धादिङ जोड्ने चन्द्रागिरि-२ चिसापानीमा पनि पहिरोका कारण एकतर्फी मात्रै गाडी चलिरहेका छन्।