मदिरा खाएका व्यक्तिले बिरामीको एक्स–रे गरेको विषयमा मानव अधिकार आयोगको चासो

सुर्खेत । कर्णाली प्रदेश अस्पतालमा बिरामीको एक्स–रे गर्ने क्रममा भएको लापरबाही गरेको घटनामा मानव अधिकार आयोगले चासो दिएको छ। आयोगको कर्णाली प्रदेश कार्यालयका मानव अधिकार अधिकृत राजेन्द्र प्रसाद न्यौपानेले अस्पताललाई ध्यानाकर्षण पत्र काटेका छन्।

साथै, उनले अस्पताल प्रशासनलाई घटनाबारे वास्तविक विवरण उपलब्ध गराउन पनि माग गरिएको बताए। असार १४ गते वीरेन्द्रनगर नगरपालिका–१ का मनिराम अधिकारीकी १८ वर्षिया छोरी हिरा अधिकारी रुखबाट लडेर घाइते भएपछि उपचारका लागि राति अन्दाजी ९ बजे प्रदेश अस्पताल पुगेकी थिइन् ।