सानिमा बैंकले सुरु गर्यो भारत–नेपाल ‘रियल-टाइम’ क्रस-बोर्डर भुक्तानी सेवा

काठमाडौं । सानिमा बैंकले नेपाल क्लियरिङ हाउस लिमिटेड (एनसीएचएल) सँगको सहकार्यमा भारत र नेपालबीच ‘रियल-टाइम’ पर्सन-टु-परसन भुक्तानी सेवा सुरु गरेको छ । यस सेवाले दुई देशबीच सुरक्षित, तत्काल र कम लागतमा रकम स्थानान्तरण गर्न सहज बनाउनेछ ।

यस नयाँ सुविधामार्फत भारत र नेपालका प्रयोगकर्ताहरूले आफ्नो बैंक खाताको विवरण साझा नगरी केवल भर्चुअल पेमेन्ट एड्रेस र यूपीआई आईडी प्रयोग गरेर पैसा पठाउन र प्राप्त गर्न सक्नेछन् ।