१ करोड २६ लाख भ्रष्टाचारको आरोपमा पाँच जनाविरुद्ध मुद्दा

काठमाडौं ।

भेटेरिनरी अस्पताल तथा पशु सेवा विज्ञ केन्द्रको भवन निर्माण ठेक्कामा मिलेमतो गरी १ करोड २६ लाख रुपियाँभन्दा बढी भ्रष्टाचार गरेको आरोपमा सो केन्द्रका तत्कालीन कार्यालय प्रमुख वरिष्ठ पशु विकास अधिकृत डा. प्रभात झासहित ५ जनाविरुद्ध अख्तियार दुरुपयोग अनुसन्धान आयोगले बिहीबार विशेष अदालतमा मुद्दा दायर गरेको छ । मुद्दामा झासहित इन्जिनियर अशोककुमार सिंह, सहायक सब–इन्जिनियर प्रमोदकुमार सिंह, राधाकृष्ण निर्माण सेवा र त्यसका प्रबन्धक कौशल्याकुमारी रजक प्रतिवादी बनाइएको छ ।