वैदेशिक रोजगारी ठगीमा १९ विरुद्ध एकैदिन पक्राउ पूर्जी, २५ नयाँ मुद्दा दर्ता

१९ असार, काठमाडौं । वैदेशिक रोजगारीका नाममा हुने ठगी नियन्त्रण गर्न सरकारले कारबाहीलाई तीव्र बनाएको छ । वैदेशिक रोजगार विभागले एकैदिन २५ वटा नयाँ मुद्दा दर्ता गर्दै १९ जना फरार अभियुक्तविरुद्ध पक्राउ पूर्जी जारी गरेको छ ।

विभागका अनुसार वैदेशिक रोजगारीमा ठगी गरेको आरोपमा आज मात्रै ८ जना अभियुक्तलाई पक्राउ गरी अनुसन्धानका लागि उपस्थित गराइएको छ । फरार रहेका अन्य १९ जनाविरुद्ध पक्राउ पूर्जी जारी गर्दै खोजी कार्यलाई समेत तीव्र बनाइएको विभागले जनाएको छ ।