उपकुलपति भोला थापा : केयू सम्हालेका प्राध्यापकलाई त्रिवि सुधार्ने जिम्मा

१९ असार, काठमाडौं । त्रिभुवन विश्वविद्यालयको उपकुलपतिमा प्राध्यापक डा. भोला थापा नियुक्त भएका छन् । काठमाडौं विश्वविद्यालयका पूर्वउपकुलपति समेत रहेका थापा त्रिविको उपकुलपतिमा नियुक्त भएका हुन् । इन्जिनियरिङ शिक्षा, जलविद्युत् प्रविधि, ऊर्जा अनुसन्धानमा सक्रिय थापाले त्रिवि सुधार गर्ने जिम्मेवारी पाएका छन् ।

इन्जिनियरिङमा स्नातक सकेपछि उनले सरकारी काम सुरु गरेका थिए । तर, एक दिन उनले केयू (काठमाडौं विश्वविद्यालय)मा उपप्राध्यापकमा आवेदन माग गरिएको सूचना देखे । त्यही सूचना हेरर उनले उपप्राध्यापकको लागि आवेदन दिए, उनको नाम पनि निस्कियो ।