वीरगञ्जस्थित नारायणी अस्पतालमा सुलभ फार्मेसी सञ्चालन

वीरगञ्जस्थित नारायणी अस्पतालमा सुलभ फार्मेसी सेवा सञ्चालनमा आएको छ। स्वास्थ्य तथा खाद्य स्वच्छता मन्त्री निशा मेहताको निर्देशनअनुसार सहुलियत दरमा गुणस्तरीय औषधि उपलब्ध गराउने उद्देश्यले उक्त सेवा सुरु गरिएको हो।

नेपाल सरकार मन्त्रिपरिषद्को २०८२ चैत १३ गते बसेको बैठकबाट स्वीकृत शासकीय सुधारसम्बन्धी एक सय कार्यसूचीअन्तर्गत बुँदा नं. ८५ (घ) अनुसार सरकारी अस्पतालमा सुलभ फार्मेसी सञ्चालन तथा विस्तार गर्ने कार्यक्रम कार्यान्वयन गर्दै नारायणी अस्पतालले यो सेवा सुरु गरेको हो।