गोदावरी नदीको बाढीमा बगेर दुई महिलाको मृत्यु

धनगढी । कैलालीको गोदावरी नगरपालिका–३ स्थित गोदावरी नदीमा आएको आकस्मिक बाढीमा बगेर दुई महिलाको मृत्यु भएको छ ।

शुक्रबार बिहान आएको बाढीले गोदावरी नगरपालिका–४ निवासी ५५ वर्षीया महेश्वरी धमला र ४० वर्षीया कल्पना साउँदलाई बगाएको थियो । जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डीएसपी) योगेन्द्र तिमिल्सिनाका अनुसार धमलाको शव गोदावरी नदीको आर्यघाट नजिक तथा साउँदको शव वनदेवी मन्दिर क्षेत्र नजिक फेला परेको हो ।