एकैझर झरीले किन डुब्छ काठमाडौं ?

पुतलीसडक, जमल, कमलपोखरी, केशरमहल, अनामनगर लगायत क्षेत्रमा केही मिनेट मात्रै ठूलो वर्षाले सडकमा पानी जम्ने गर्छ । यो दृष्य बिहीबार पनि देखियो । कतिपय स्थानमा त यातायात नै ठप्प हुने अवस्था पनि आयो ।

काठमाडौंमा यो नयाँ परिदृष्य भने होइन । दशकौंदेखि प्रकृतिमाथि भएको मानवीय हस्तक्षेप, कमजोर शहरी पूर्वाधार र बनेका पूर्वाधारको नियमित मर्मत सम्भार नहुनुको परिणाम वर्षायाममा देखिएको हो ।