आर्थिक क्षति अध्ययन गर्दै राष्ट्रिय योजना आयोग

रसुवाको भोटेकोशी नदीमा बुधबार आएको बाढीले पुर्‍याएको आर्थिक क्षतिका सम्बन्धमा राष्ट्रिय योजना आयोगले विस्तृत अध्ययन गर्ने भएको छ ।

राष्ट्रिय तथ्याङ्क कार्यालयसँग समन्वय गरेर यस्तो अध्ययन गर्ने तयारी गरिरहेको आयोगका उपाध्यक्ष डा. गुणाकर भट्टले जानकारी दिनुभयो । “आर्थिक क्षतिको विवरण सङ्कलन गर्न तथ्याङ्क कार्यालयसँग समन्वय गरेर अघि बढ्ने प्रारम्भिक छलफल भएको छ,” उहाँले भन्नुभयो ।