बझाङका विजयराजको भारतमा भएको मृत्युबारे छानबिन गर्न परराष्ट्रमन्त्रीसमक्ष महरको माग

कैलाली । नेकपा (एमाले) का प्रमुख सचेतक ऐनबहादुर महरले भारतको कर्नाटक राज्यको बेंगलुरुमा कार्यरत बझाङका विजयराज भट्टको मृत्यु घटनाको निष्पक्ष छानबिन गरी दोषीलाई कानुनी दायरामा ल्याउन नेपाल सरकारले कूटनीतिक पहल गर्न माग गरेका छन् ।

महरले शुक्रबार परराष्ट्रमन्त्री शिशिर खनाललाई ज्ञापनपत्र बुझाउँदै बझाङको केदारस्युँ गाउँपालिका–४ निवासी विजयराज भट्टको बेंगलुरुस्थित चन्दापुर अपार्टमेन्टमा सुरक्षा विभागका प्रबन्ध निर्देशक (एमडी) को कुटपिटबाट मृत्यु भएको उल्लेख गर्दै घटनाको निष्पक्ष अनुसन्धान, दोषीमाथि कानुनी कारबाही तथा पीडित परिवारलाई उचित क्षतिपूर्ति उपलब्ध गराउन भारत सरकारसँग तत्काल कूटनीतिक पहल गर्न आग्रह गरेका हुन् ।