प्रभातफेरिसहित ताप्लेजुङमा मनाइयो बालश्रमविरुद्धको अन्तर्राष्ट्रिय दिवस

बालश्रमविरुद्धको अन्तर्राष्ट्रिय दिवसको अवसरमा शुक्रबार ताप्लेजुङमा प्रभातफेरि तथा कोणसभा सम्पन्न भएको छ। जिल्ला प्रहरी कार्यालय ताप्लेजुङको समुदाय साझेदारी कार्यक्रम तथा लिटलबुद्ध इङ्लिस बोर्डिङ स्कुलको सहभागितामा प्रभातफेरि सम्पन्न भएको हो।

नगर परिक्रमापछि वीरेन्द्रचौकमा आयोजित कोणसभामा बोल्दै जिल्ला प्रहरी कार्यालय ताप्लेजुङका प्रहरी निरीक्षक जटाशंकर यादवले बालबालिका भविष्यका कर्णधार भएकाले उनीहरूको संरक्षण र बाल अधिकार अनुरुपको व्यवहार जरुरी रहेको बताए। १४ वर्ष उमेर पूरा नभइ सामान्य श्रममा समेत लगाउन नपाइने तथा १८ वर्ष उमेर पूरा नभइ गम्भीर प्रकृतिका श्रमका कार्यमा बालबालिकाको प्रयोग गर्न नहुने मान्यता रही आएको छ।