‘छुवाछुतमुक्त राष्ट्र‚ व्यवहारमा कार्यान्वयन फितलो’

काठमाडौँ। प्रतिनिधिसभा सदस्य नीता घतानीले दलित समुदायमाथि हुँदै आएको विभेद अन्त्य गर्न सरकारलाई ध्यानाकर्षण गराएकी छन्।

उनले डेरा खोज्दादेखि समाजका विभिन्न चरणमा हुने विभेद अन्त्यको माग गरिन्। प्रतिनिधिसभाको मंगलबारको बैठकको आकस्मिक समयमा उनले माइतीघरमा दीपा नेपालीले कोठा खाली छ सरकार? भन्दै सत्याग्रह धर्ना बसेको जानकारी गराइन्। “यो केवल कोठाको विषय मात्रै नभई दलित समुदायमाथि वर्षौंदेखि थोपरिँदै आएको निषेध विभेद र बहिष्कारविरुद्ध उठेको समाजको यर्थाथ प्रश्न हो‚” उनले भनिन्, “यो राज्यमा दलित समुदायका लागि समान र सम्मानको अवस्था किन अझै छैन भन्ने प्रश्न पनि हो।”