प्रिमियर लिगः म्यान सिटीको हार वा बराबरी कुर्दै आर्सनल

जारी सिजनको इंग्लिस प्रिमियर लिगमा मंगलबार राति उपाधि होडमा रहेको म्यानचेस्टर सिटीले एफसी बर्नमाउथसँग प्रतिस्पर्धा गर्दैछ। खेल नेपाली समयअनुसार राति सवा १२ बजे बर्नमाउथको गृहमैदान भिटालिटी स्टेडियममा सुरु हुनेछ।

आफ्नो दुई खेल बाँकी रहँदा सिटी ७७ अंकमा दोस्रो स्थानमा रहेको छ। उपाधि होड कायम राख्न सिटीलाई बर्नमाउथविरुद्धको खेलमा जितको विकल्प छैन। बराबरीको नजिताले मात्रै पनि शीर्ष स्थानको आर्सनलले यो सिजनको उपाधि चुम्नेछ। ३७ खेलबाट आर्सनलको ८२ अंक छ।