स्थानीय तह र प्रदेश सभा निर्वाचनमा के होला मधेसवादी दलको पोजिसन ?

काठमाडौँ । गत फागुनमा सम्पन्न प्रतिनिधि सभा निर्वाचनमा मधेसवादी दलहरू नराम्ररी बढारिए । करिब आधा दर्जन राजनीतिक दलले तराई–मधेसलाई आफ्नो मुख्य आधार क्षेत्र मान्दै आए पनि ती कुनै पनि दलले देशभर एक सिट पनि जित्न सकेनन् ।

जनता समाजवादी पार्टी, जनमत पार्टी, राष्ट्रिय मुक्ति पार्टी, नागरिक उन्मुक्ति पार्टी नेपाल, आम जनता पार्टी, नेपाल सदभावना पार्टी लगायतका दल तराई–मधेस भूगोललाई आफ्नो आधार क्षेत्र बनाएर राजनीतिक गतिविधि गर्दै आएका छन् । यद्यपि मधेस प्रदेशमा समेत यी दलले आफ्नो अस्तित्व जोगाउन सकेनन् । प्रतिनिधि सभातर्फ मधेस प्रदेशबाट प्रत्यक्ष निर्वाचन प्रणाली अन्तर्गत रहेका ३२ सिटमध्ये राष्ट्रिय स्वतन्त्र पार्टीले ३० सिटमा जित हासिल गर्दा एक सिटमा नेपाली कांग्रेस र अर्को एक सिटमा नेपाली कम्युनिस्ट पार्टी निर्वाचित भएको छ ।