अबका केही दिन मृत्यु हार्दै जाओस् : महामन्त्री आचार्य

काठमाडौँ । रास्वपा महामन्त्री विपिनकुमार आचार्यले उद्धारकर्ता र पीडितको अदम्य साहसको प्रशंसा गरेका छन् ।

सामाजिक सञ्जालमा उनले लेखेका छन्– 'कसैको निभ्नै लागेको धड्कनलाई आफ्नै हातले तानेर 'बचाउन सकियो!' भन्दा, धुलो र पसिनाले लतपतिएका ती अनुहारहरूमा कस्तो आँधी शान्त हुँदो हो ? मृत्युको चिसो अँध्यारोमा लगभग हारिसकेको बेला, अचानक कसैको हात समाउन पाउँदा 'अब त बाँचियो...' भन्दै तप्प खसेको आँसुले कस्तो जिन्दगी महसुस गर्दो हो ?'