सामाजिक सञ्जाल र एआई प्रयोगमा नयाँ मापदण्ड, श्रम मन्त्रालयको नयाँ आचारसंहिता लागू

काठमाडौं । युवा, श्रम तथा रोजगार मन्त्रालयले आफ्ना कर्मचारीहरूको कार्यशैलीलाई थप अनुशासित, मर्यादित र जिम्मेवार बनाउने उद्देश्यसहित नयाँ आचारसंहिता लागू गरेको छ । नयाँ व्यवस्थाअनुसार अब मन्त्रालय तथा मातहतका निकायमा कार्यरत कर्मचारीले कार्यालय समयमा व्यक्तिगत प्रयोजनका लागि सामाजिक सञ्जाल प्रयोग गर्न पाउने छैनन् ।

श्रम, रोजगार तथा सामाजिक सुरक्षा मन्त्री रामजी यादवले वैशाख ३१ गते स्वीकृत गरेको आचारसंहितामा सूचना प्रविधि र डिजिटल माध्यमको प्रयोगसम्बन्धी स्पष्ट मापदण्ड तय गरिएको छ । आचारसंहिताअनुसार कर्मचारीले कार्यालय समयभित्र मोबाइल, कम्प्युटर वा अन्य डिजिटल उपकरण प्रयोग गरी व्यक्तिगत कामका लागि सामाजिक सञ्जाल चलाउन निषेध गरिएको छ ।