संसद्‌मा अर्थमन्त्री खोज्दै अमरेशले भने- मधेश विस्फोटको अवस्थामा छ

काठमाडौँ- राष्ट्रिय स्वतन्त्र पार्टी (रास्वपा) का सांसद डा. अमरेशकुमार सिंहले परम्परा तोड्ने नाउँमा सबै परम्परा तोड्नु उपयुक्त नभएको बताएका छन्। प्रतिनिधिसभामा मंगलबार विनियोजन विधेयकका प्राथमिकता र सिद्धान्तसम्बन्धी छलफलका क्रममा अर्थमन्त्री डा. स्वर्णिम वाग्ले अनुपस्थित भएपछि उनले यस्तो बताएका हुन्।

‘परम्परा तोड्ने नाउँमा सबै परम्परा तोडिँदैन,’ सिंहले भने, ‘विनियोजन विधेयकको प्राथमिकतामाथि छलफल हुँदा अर्थमन्त्री जहिले पनि बस्नुपर्ने सिस्टम छ, परराष्ट्रमन्त्रीले बजेट बनाउने होइन, परराष्ट्र मन्त्रालयको बजेट त्यहीँबाट जान्छ।’ सिंहले सबै परम्परा भत्काउँदै गए संसद्को औचित्य समाप्त हुने उल्लेख गरे।