योजना आयोगको लचिलो निर्णय, आयोजना दर्ताको म्याद १३ जेठसम्म

सरकारले आगामी आर्थिक वर्षको बजेट सार्वजनिक हुनुभन्दा दुई दिनअघिसम्म पनि राष्ट्रिय आयोजना बैंकमा आयोजना दर्ता गर्न सकिने व्यवस्था खुला राखेको छ।

राष्ट्रिय योजना आयोगले मन्त्रालय तथा निकायहरूको अनुरोध र प्राप्त सुझावलाई आधार मान्दै नयाँ, क्रमागत, अध्ययन तथा विशेष परिस्थितिका आयोजनाहरू आगामी आवका लागि आयोजना बैंकमा प्रविष्टि गर्ने समय १३ जेठसम्म थप गरेको जनाएको छ।