ई–पासपोर्ट खरिद विषयले नेपालको अन्तर्राष्ट्रिय छविमा प्रभाव पारेको हो ?

ई–पासपोर्ट छपाइको खरिद प्रक्रियासम्बन्धी विवाद आन्तरिक चासोको विषय मात्रै नभई कूटनीतिक चासोको विषयसमेत बन्दै गएको छ । यसले नेपालको बाह्य छवि र प्रतिष्ठामा समेत प्रभाव परेको विज्ञहरू बताउँछन् ।

राहदानी विभागको विद्युतीय राहदानी छपाइ तथा प्रणाली खरिद सम्बन्धी ठेक्का प्रक्रियामा १० अर्ब १३ करोड रुपैयाँभन्दा बढीको भ्रष्टाचार भएको दाबीसहित विशेष अदालत काठमाडौंमा हालै आरोपपत्र दायर भइसकेको छ । यो अहिले न्यायिक निरूपणको प्रक्रियामा छ ।