गृहमन्त्रीज्यू, अक्सिजन सिलिण्डर बोकेर स्टन्ट गर्ने बेला होइन, जनशक्ति परिचालन गर्नुहोस् : ऐन महर

सांसद ऐन महरले गृहमन्त्रीलाई उद्धार अभियानको प्रभावकारी कमाण्ड सम्हाल्दै टनेलमा फसेका नागरिकको जीवन रक्षा गर्न तत्काल राज्यका सम्पूर्ण स्रोत–साधन परिचालन गर्न आग्रह गरेका छन्।

त्रिशूली–३ ‘ए’ लगायतका टनेलमा नागरिक फसेको अवस्थामा उद्धारको आशा पलाएको भन्दै महरले एक–एक सेकेण्ड महत्वपूर्ण रहेको बताएका छन्। उनले गृहमन्त्रीलाई सम्बन्धित आयोजनाका प्राविधिक तथा निर्माणकर्तासँग समन्वय गरी आवश्यक निर्णय लिन र सबै टनेलमा एकैपटक उद्धार कार्य अघि बढाउन आग्रह गरेका छन्।