नेपालमै राष्ट्रिय आविष्कार केन्द्रले बनाएको ग्यासबाट चल्ने शवदाह मसिनको सफल परीक्षण

काठमाडौँ । राष्ट्रिय आविष्कार केन्द्रले नेपालमै पहिलो पटक निर्माण गरेको ग्यासबाट चल्ने शवदाह मसिनको बिहीबार काभ्रेको बनेपामा परीक्षण गरिएको छ । बनेपास्थित तीन दोबाटो घाटमा एक शवलाई यस मसिनमा राखेर अन्त्येष्टि गरिएसँगै स्वदेशमै निर्मित प्रविधिको सफल प्रयोग भएको हो ।

केन्द्रका इन्जिनियर राजु थापाको डिजाइनमा तयार पारिएको मसिनले करिब एक घण्टामा शवलाई पूर्ण रूपमा जलाएर खरानी बनाएको छ । परीक्षणका क्रममा मसिनको प्रदर्शन उत्साहजनक रहेको र वातावरणमा कुनै नकारात्मक असर नदेखिएको इन्जिनियर थापाले दाबी गरे ।