घरेलु समर्थकसहितको क्यानाडालाई र जुझारु बोस्नियाको चुनौती

फिफा विश्वकप २०२६ को अर्को एउटा बहुप्रतीक्षित उद्घघाटन खेल तथा समूह ‘बी’ को पहिलो म्याचमा क्यानाडाले टोरोन्टोको बीएमओ फिल्डमा बोस्निया एन्ड हर्जगोभिनाको सामना गर्दैछ । नेपाली समय अनुसार शुक्रबार मध्यरात १२ः४५ बजे सुरु हुने यो खेल क्यानेडेली भूमिमा खेलिने पहिलो विश्वकप खेल भएकाले निकै ऐतिहासिक र गर्विलो क्षण हुनेछ ।

दुवै टोलीबीचको यो पहिलो आधिकारिक प्रतिस्पर्धात्मक भेट हो, जसले खेललाई अझ कौतुहलतापूर्ण बनाएको छ । प्रशिक्षक जेसी मार्सको नेतृत्वमा रहेको घरेलु टोली क्यानाडा आफ्नो इतिहासकै सबैभन्दा बलियो, सन्तुलित र युवा खेलाडीहरूले भरिएको टोलीका साथ मैदान उत्रिँदैछ । पछिल्ला आठ खेलमध्ये छ खेलमा क्लिन सिट राख्दै बलियो रक्षापङ्क्ति प्रदर्शन गरेको क्यानाडा आफ्नो तीव्र गतिको विंगर आक्रमण र घरेलु दर्शकको न्यानो साथमा निर्भर रहनेछ । स्टार खेलाडी अल्फोन्सो डेभिसको फिटनेसमा केही शंका रहे पनि युभेन्टसका युवा सनसनी जोनाथन डेभिड र काइल लारिनको जोडी ४–४–२ को रणनीतिमा क्यानाडाको गोल खडेरी तोड्न पूर्ण रूपमा तयार देखिन्छन् ।