सरकारी वेबसाइटहरू प्रयोगकर्तामैत्री बनाउन सांसद श्रेष्ठको माग

राष्ट्रिय स्वतन्त्र पार्टी (रास्वपा) की सांसद अनुष्का श्रेष्ठले नेपाल डिजिटल रूपान्तरणको दिशामा अगाडि बढिरहेको भए पनि नागरिकले प्रत्यक्ष रूपमा प्रयोग गर्ने सरकारी वेबसाइटहरूको अवस्था कमजोर रहेको बताएकी छन्।

शुक्रबार संसद् बैठकमा बोल्दै सांसद श्रेष्ठले डिजिटल रूपान्तरणको अनुभूति गराउने प्रमुख माध्यम नै सरकारी वेबसाइटहरू भए पनि ती प्रयोगकर्तामैत्री र सुरक्षित नरहेको बताएकी हुन्। उनले धेरैजसो सरकारी वेबसाइटहरूले राम्रोसँग काम नगर्ने र तिनमा राखिएका नेपाली तथा अंग्रेजी भाषाको अनुवादको अवस्था समेत कमजोर रहेको जनाइन्।