संकटसँग जुध्दै जलेश्वर अस्पताल

महोत्तरी — जलेश्वर नगरपालिका–२ की सुदमा देवीको आर्थिक अभावमा उपचार गराउन सक्ने अवस्था छैन । ढाडको समस्याले ग्रस्त सुदमा हिँडडुल र उठबस गर्न सक्दिनन् । घरमा पीडाले छटपटिरहेको देख्न नसकेर बुहारी सन्तोषी देवीले शुक्रबार उपचारका लागि प्रादेशिक अस्पताल जलेश्वर ल्याइन् । अस्पतालका चिकित्सकले तत्काल एक्सरे गराउन सुझाव दिए ।

चिकित्सक र अन्य जाँचको सबै सुविधा एकै ठाउँमा पाउने भएर सरकारी अस्पताल आएकी सुदमालाई एक्सरे गराउन बाहिर पठाउँदा उनी उपचार नै नगराई घर फर्किइन् ।