रोनाल्डोको नेतृत्वमा पोर्चुगलको टोली घोषणा

काठमाडाैं । पोर्चुगलले आगामी सन् २०२६ को फिफा विश्वकपका लागि आफ्नो प्रारम्भिक टोलीको घोषणा गरेको छ। मुख्य प्रशिक्षक रोबर्टो मार्टिनेजले भेट्रान फरवार्ड क्रिष्टियानो रोनाल्डोको कप्तानीमा बलियो टोली सार्वजनिक गरेका हुन्।

आफ्नो छैटौँ विश्वकप खेल्ने तयारीमा रहेका ४१ वर्षीय रोनाल्डोलाई आक्रमण पंक्तिमा साउदी क्लब अल नासरकै सहकर्मी जोआओ फेलिक्स, चेल्सीका पेड्रो नेतो र पीएसजीका गोन्सालो रामोसले साथ दिनेछन्। टोलीको मिडफिल्ड सम्हाल्ने जिम्मेवारी म्यानचेस्टर युनाइटेडका कप्तान ब्रुनो फर्नान्डेस र म्यानचेस्टर सिटीका बर्नार्डो सिल्भाको काँधमा छ, जसलाई पीएसजीका युवा स्टार भिटिन्हा र जोआओ नेभेसले बलियो टेवा दिनेछन्।