गण्डकीको बजेट अधिवेशन जेठ ११ गतेदेखि

पोखरा । गण्डकी प्रदेशको बर्खे अधिवेशन जेठ ११ गतेदेखि हुने भएको छ । प्रदेश सरकारको सिफारिसमा प्रदेश प्रमुख डिल्लीराज भट्टले जेठ ११ गते दिउँसो २ बजेका लागि अधिवेशन डाकेका हुन् ।

हिउँदे अधिवेशन चैत १७ गतेदेखि अन्त्य भएको थियो । संविधानमै एउटा अविधेशन र अर्को अधिवेशनबिचको अन्तर ६ महिनाभन्दा बढी हुन नपाउने उल्लेख छ । आगामी अधिवेशनमा संसद्ले नीति तथा कार्यक्रम, बजेट र केही विधेयकहरू पारित गर्छ।