इप्पानको २६औँ साधारण सभा सम्पन्नः पीपीए, आरसीओडी र आईपीओका समस्या समाधान गर्न सरकारसँग आग्रह

काठमाडौं । स्वतन्त्र ऊर्जा उत्पादकहरूको संस्था नेपाल (इप्पान) ले आफ्नो २६औँ वार्षिक साधारण सभा सम्पन्न गरेको छ ।

राजधानीमा आयोजित उक्त कार्यक्रममा ऊर्जा क्षेत्रका बहुप्रतिक्षित नीतिगत सुधारदेखि सञ्चालनगत अवरोधसम्मका विषयमा केन्द्रित बहस भएको थियो । वक्ताहरूले विद्युत् उत्पादन, व्यापार, वितरण र प्रसारणमा निजी क्षेत्रको सहभागिता विस्तारको आवश्यकतामा एकमत देखाए ।