सम्पत्ति सुद्धीकरणमा व्यवसायी भट्टविरुद्ध साढे २६ अर्ब बिगो दाबी

विचौलियाको आरोप लाग्दै आएका व्यवसायी दीपक भट्टविरुद्ध सम्पत्ति शुद्धीकरण (मनी लाउन्डरिङ) सम्बन्धी कसुरमा विशेष अदालतमा दायर गरेको मुद्दामा भट्ट विरुद्ध २६ अर्ब ६३ करोड २७ लाख ७१ हजार ५९ रुपैयाँ ६८ पैसा बिगो दाबी गरिएको छ । विशेष सरकारी वकिल कार्यालयले बिहीबार राति अवेर मुद्दा दर्ता गरेको भए पनि अभियोजन पत्र शुक्रबार मात्र सार्वजनिक गरेको छ ।

सम्पत्ति शुद्धीकरण (मनी लाउन्डरिङ) निवारण ऐन, २०६४ को दफा २२ तथा मुलुकी फौजदारी कार्यविधि संहिता, २०७४ को दफा ३२ बमोजिम सम्पत्ति शुद्धीकरण अनुसन्धान विभागको तर्फबाट गठित संयुक्त अनुसन्धान टोलीले तयार गरेको प्रतिवेदनका आधारमा विशेष सरकारी वकिल कार्यालयले मुद्दा दायर गरेको जनाएको छ ।