चिसाङ खोलामा अवैध उत्खनन् नियन्त्रणमा सक्रिय लेटाङ प्रहरी

सुन्दरहरैंचा(मोरङ) । मोरङको लेटाङ नगरपालिका क्षेत्रमा भइरहेको अवैध नदीजन्य पदार्थ उत्खनन् नियन्त्रण गर्न इलाका प्रहरी कार्यालय लेटाङ सक्रिय रूपमा लागेको छ। यसैक्रममा प्रहरीले चिसाङ खोलाबाट गैरकानुनी रूपमा ढुंगा, गिटी तथा बालुवा संकलन गर्दै गरेका ५ वटा ट्र्याक्टर चालकसहित नियन्त्रणमा लिएको छ।

इलाका प्रहरी कार्यालय लेटाङका प्रहरी निरीक्षक सगर शाहका अनुसार लेटाङ नगरपालिका–३ स्थित चिसाङ खोला पुल नजिक विशेष निगरानीका क्रममा अवैध उत्खनन् भइरहेको फेला परेपछि प्रहरी टोलीले तत्काल कारबाही गरेको हो।