ब्रिटिस ब्राण्ड र विश्वसनीयताको प्रतीक ‘गुडम्यान्स’ अब नेपाली बजारमा

काठमाडौं- चौधरी ग्रुप अन्तर्गत सि जी इलेक्ट्रोनिक्सले बेलायती ब्राण्ड गुडम्यान्स भित्र्याएको छ । सन् १९२३ देखि अडियो तथा इलेक्ट्रोनिक्स क्षेत्रमा आफ्नो छुट्टै पहिचान बनाउँदै आएको बेलायती ब्राण्ड गुडम्यान्स (Goodmans) अब नेपाली उपभोक्तामाझ आधुनिक तथा गुणस्तरीय इलेक्ट्रोनिक्स उत्पादनसहित उपस्थित भएको हो ।

गुडम्यान्सले सुरुवात अडियो स्पिकर उत्पादनबाट गरेको भए पनि आज यो विश्वव्यापी रूपमा विभिन्न इलेक्ट्रोनिक्स तथा घरेलु उपकरणहरूको विश्वसनीय ब्राण्डको रूपमा स्थापित भइसकेको छ । उच्च गुणस्तर, आकर्षक डिजाइन र किफायती मूल्यलाई प्राथमिकता दिँदै आएको गुडम्यान्सले विश्वका विभिन्न देशहरूमा आफ्नो सफल उपस्थिति विस्तार गरिसकेको छ ।