१४ वर्षीया प्रेमिकालाई स्कुल पुर्‍याउन १५ वर्षीय किशोरले चोरे बस

बर्लिन । प्रेममा मानिसले के सम्म गर्दैनन् भन्ने एउटा अनौठो उदाहरण जर्मनीमा देखिएको छ। जर्मनीको विसब्याडेनका एक १५ वर्षीय किशोरले आफ्नी प्रेमिकालाई स्कुल पुर्‍याउनका लागि सिधै एउटा ठूलो बस नै चोरी गरेर गुडाएका छन्।

गत शुक्रबार बिहान भएको यो घटनाले अहिले जर्मनीको प्रहरी र यातायात कम्पनी दुवैलाई चकित पारेको छ। बिहान करिब ६ बजे ती किशोर लुकिछिपी बस डिपोमा छिरेका थिए।