भारतको अनुदानमा हुम्लामा अस्पताल भवन निर्माण सुरु

हुम्ला । भारत सरकारको आर्थिक सहयोगमा हुम्लाको चंखेली गाउँपालिका–२ मा निर्माण हुन लागेको नेपाल–भारत मैत्री अस्पताल भवनको शिलान्यास गरिएको छ ।

करिब १४ करोड ८० लाख रुपैयाँ लागतमा निर्माण हुन लागेको उक्त अस्पताल भवन उच्च प्रभाव सामुदायिक विकास परियोजना (एचआईसीडीपी) अन्तर्गत निर्माण हुन लागेको हो । परियोजना चंखेली गाउँपालिकामार्फत कार्यान्वयन गरिने जनाइएको छ ।