उत्तरी गोरखाको ताजुमा १२ दिन खच्चड तथा पैदल यात्रु आवागमन बन्द

उत्तरी गोरखाको मनास्लु पदमार्ग अन्तर्गत चुमनुब्री गाउँपालिका–६ ताजु क्षेत्रमा चुमभ्यालीमा स्तरोन्नतिको काम भइरहेकाले १२ दिनको लागि खच्चड तथा पैदल यात्रुको आवतजावत बन्द गरिएको छ ।

ताजु क्षेत्रको सुधार अन्तर्गत स्तरोन्नति तथा ढलान कार्य सञ्चालन गरिएकाले भदौ १९ गते देखि ३० गतेसम्म उक्त मार्गमा खच्चड ओहोर दोहोरमा रोक लगाइएको हो ।