भोटेकोशीको भेलमा हराएको एउटा आवाज!

कुरा २०८३, भदौ १० गते बिहान करिब नौ बजेतिरको हो। आज त्यो दिन सम्झिँदा लाग्छ,केही दिनहरू समयसँगै बितेर जाँदा रहेनछन्, बरु मान्छेको स्मृतिभित्र कतै अड्किएर बस्दा रहेछन्। भदौ १० पनि मेरो जीवनमा त्यस्तै एउटा दिन बनेर बसेको छ।

रसुवाको गोसाईंकुण्ड जाने बाटोमा तीर्थयात्रीहरूको भीड थियो। कसैको मनमा भगवान् थिए, कसैको हातमा पूजा सामग्री। सुरक्षाकर्मीहरू यात्रुहरूको सुरक्षामा खटिएका थिए। स्वास्थ्य शिविरमा स्वास्थ्यकर्मीहरू बिरामीको सास जोगाउन तयार थिए। त्यही स्वास्थ्य शिविरको टोलीमा आफ्नै मान्छे पनि थिइन्, उनी।