चितवन राइनोजद्वारा कुशल मल्लसहित सात खेलाडी रिटेन

भरतपुर । नेपाल प्रिमियर लिग (एनपीएल) को आगामी सिजनका लागि फ्रेन्चाइज टोली चितवन राइनोजले आफ्नो तयारीलाई तीव्र बनाएको छ। टोलीले आगामी सिजनका लागि आफ्ना पुराना सात जना महत्त्वपुर्ण खेलाडीहरूलाई रिटेन गरेको औपचारिक घोषणा गरेको हो।

टोलीमा निरन्तरता, स्थायित्व तथा दीर्घकालीन सफलतालाई केन्द्रमा राख्दै बलियो आधार कायम राख्ने उद्देश्यका साथ यी खेलाडीहरूलाई रिटेन गरिएको फ्रेन्चाइजले स्पष्ट पारेको छ।